Enterámonos a través do blog dun empregado da Axencia Tributaria que a nova versión do programa PADRE vai ser multiplataforma co cal se poderá usar nun equipo dotado dun sistema GNU/Linux.

Esto conséguese gracias a que o reescribiron utilizando a linguaxe Java, polo que se poderá utilizar tamén en equipos Mac.

Ata o de agora os usuarios de sistemas diferentes a Windows non tiñan posibilidade de utilizar dita aplicación, polo que damos dende aquí a noraboa á xente da Axencia Tributaria, e animamos a que outras administracións públicas segan o mesmo camiño e non obriguen ó cidadán a utilizar un determinado sistema operativo ou navegador web.

Eduardo San Miguel Martín, membro co-fundador de Melisa, publicou recentemente a librería de código libre fisheyeR para o aclamado linguaxe R (http://www.r-project.org/).

R é un linguaxe e entorno de programación para análise estatístico e gráfico.

Trátase dun proxecto de software libre, resultado da implementación GNU do premiado linguaxe S. R e S-Plus- versión comercial de S- son, probablemente, os dous linguaxes máis empregados en investigación pola comunidade estatística, sendo ademáis moi populares no campo da investigación biomédica, a bioinformática e as matemáticas financieiras.

A esto contribue a posibilidade de cargar diferentes librerías ou paquetes con finalidades específicas de cálculo ou gráfico.

Dende Melisa felicitámolo e animámolo a seguir publicando proxectos de código libre.

O vindeiro venres, día 18 de decembro, a nosa Asociación levará a cabo unha actividade de presentación do Software Libre ante ós alumnos do ciclo superior de Administración e Finanzas.

O presidente de MeLiSA, Rafael Rodríguez, será o encargado de presentarlle ós alumnos do ciclo as vantaxes do uso do Software Libre tanto a nivel persoal como dentro dos centros educativos. O evento dará comenzo ás nove da mañá e rematará ás dez e media.

Como colectivo que loita pola difusión da alternativa que supón o uso de programas abertos e libres, consideramos prioritario o coñecemento destas ferramentas por parte do alumnado que nalgún momento terá que integrarse no mercado laboral, onde predomina o uso de ferramentas privativas.

Acaba de sair o TOP500 dos superordenadores correspondente ó mes de novembro, e como se pode apreciar no gráfico, o sistema operativo GNU/Linux está instalado en preto do 90% de superordenadores, seguido dun 5% de Unix, un 4,6% mixto, un 1% de Windows e un 0,2% BSD.

Tamén cabe destacar que a metade (50,60%) destes superordenadores posúen de 4.000 a 8.000 procesadores, e son usados en entornos de investigación, de finanzas ou de xeofísica, polo que executarán aplicacións con grandes necesidades de cálculo en paralelo en cada un dos procesadores, ou ben han de ser compartidos por moitos usuarios que 'lanzan' as súas aplicacións nestes equipos para obter os resultados tan pronto como sexa posible.

O país que máis superordenadores ten é Estados Unidos, cun total de 277 equipos.