5. Flexibilidade

Cando unha empresa fai uso de software privativo, vai entrar nunha espiral de actualizacións forzosas non só de software, senón tamén de hardware para soportar as novas versións. Por exemplo, o caso de Windows Vista, que requiría ampliar gran parte do equipamento para que puidera executarse con certa soltura, obrigou a moitas empresas a facer investimentos no seu parque de ordenadores sen conseguir unha vantaxe significativa.

Sen embargo, o software de código aberto, soe requirir moitos menos recursos, o que significa que pode funcionar de forma correcta, incluso en equipos de varios anos. Hai distribucións de GNU/Linux capaces de executarse en máquinas 486 con 64Mb de memoria RAM.

Polo tanto, depende do usuario a decisión de cando é o momento de actualizar o seu equipo informático, sen imposicións por parte dos fabricantes.

4. Liberdade

Cando unha empresa decide utilizar unha aplicación con licenza privativa, queda 'presa' das decisións comerciais e técnicas que decida o seu proveedor. Nada lle impide ao proveedor desa aplicación modificar as condicións, o prezo do soporte, as prioridades ou o calendario de actualizacións. Sempre estaremos cautivos e non teremos a liberdade de decidir o cambio hacia outro proveedor que nos ofreza mellores condicións.

Sen embargo, cando unha empresa decide utilizar software libre sempre ten o control para tomar as súas propias decisións, e facer o que queira co seu software. Ten a liberdade de poder escoller entre varios proveedores. Os cales competirán en igualdade de condicións, e os que ofrezan mellor servizo serán capaces de conseguir maior número de clientes.

A experiencia persoal lévame a coñecer casos en que usuarios se quedan sen ningún tipo de soporte cando a empresa proveedora do seu software pecha a súa actividade sen previo aviso. Nese momento é cando o usuario se da conta de que non é dono da súa aplicación, e o peor de todo, tampouco dos seus datos, un dos maiores valores que ten calquer empresa.

3. Personalización

Cando utilizo unha aplicación que me permite o acceso ao seu código fonte, podo cambiar parte dese código para que faga as tarefas que eu preciso. Se non teño os coñecementos, podo contratar a alguén para que o faga por min. Por suposto, non intente facer esto mesmo co software privativo !.

Desta forma podemos conseguir para a nosa empresa aquelo que nunca estivo ao alcance das pequenas empresas, que é ter unha aplicación adaptada ás nosas necesidades. Ata agora era a nosa empresa a que tiña que adpatarse á forma de traballar da aplicación privativa.

Só as grandes empresas eran capaces ata agora de soportar os custos de desenvolver unha aplicación a medida que fixera aquelo que se precisaba. Pero eso xa non é así grazas ao software libre. Calquera organización pode ter acceso a aplicacións de código aberto e solicitar un orzamento para que se fagan os cambios necesarios para que a aplicación faga aquelo que realmente necesitamos.

 

2. Calidade

Cando un programador informático traballa para desenvolver unha aplicación, e conta coa axuda de miles de compañeiros, o resultado vai ter moita máis calidade que se ese mesmo proxecto o levan a cabo unha ducia de programadores.

Cando o traballo se fai de forma colaborativa, e todos os participantes aportan o seu coñecemento nas distintas áreas afectadas nun proxecto, a calidade do produto final será moito máis alta.

O simple feito de que o teu traballo sexa visible por calquera compañeiro, fai que te preocupes máis pola calidade do teu traballo, que se o ocultas baixo unha licenza privativa, que impide o acceso ao teu código fonte. A moitos programadores gustaríanos ver parte do código fonte dalgunha das aplicacións máis coñecidas no mundo privativo, para comprobar que a importancia de escribir un bo código non está dentro das prioridades do seu traballo.

Levado a outros sectores, seguro que moitos profesionais non se preocuparían tanto pola calidade se puidesen agochar parte do seu traballo para que os seus clientes non o puideran ver ou tocar.