A maioría dos ciberataques está destinados aos desenvolvementos de Microsoft, que son empregados pola inmensa maioría dos usuarios e que por iso son máis probábeis que deán como resultado filtracións de datos e que tarde ou cedo acaban abrindo as portas dos nosos computadores aos atacantes remotos. Isto fai que as operacións de banca electrónica sexan especialmente sensíbeis, e para curarse en saúde, o mellor e empregar un CD Vivo de Linux, co cal evítanse practicamente todos os risco nestas operacións.

De feito, o SANS Technology Institute, unha organización adicada á investigación e educación no campo da seguridade, retou aos seus estudantes a que fixeran un informe para achar os métodos máis efectivos para as pemes á hora de evitar este tipo de ataques. Os estudantes chegaron á conclusión de que a solución máis barata e segura ante estas ameazas era empregar un sistema operativo arrancábel de só lectura, como por exemplo Knoppix ou os CD Vivos de Ubuntu.

Esta pasado sábado celebrouse a segunda xornada do Obradoiro de Joomla na cervexería A Fundación.

Nesta xornada, os asistentes viron como modificar o deseño das súas webs de forma sinxela co uso dos modelos. Tamén se fixeron prácticas para a creación dun páxina web adicada ó comercio electrónico, utilizando o compoñente Virtuemart.

Debido ó interese amosado polos participantes neste obradoiro, a directiva de Melisa decidiu engadir unha xornada máis, que terá lugar o vindeiro 22 de agosto, e no cal se repasaran algún dos temas xa vistos e se resolverán as dúbidas dos alumnos que xa están a traballar con Joomla.

Agardamos que este tipo de actividades sigan sendo de interese para os afeccionados á informática en xeral, e ó software libre en particular. E seguimos a animar a todas aquelas persoas que non puideron asistir a este obradoiro que sigan atentos a esta web, onde comunicaremos calquera outra actividade que preparemos para as vindeiras semanas.

O pasado sábado 1 de agosto tivo lugar na cervexería A Fundación, a primeira xornada do Obradoiro de Joomla.

Esta primeira xornada estivo dirixida por Rafael Rodríguez Gayoso, Enxeñeiro Superior en Informática e asemesmo Presidente de Melisa. Un total de 10 participantes, con diferentes ámbitos profesionais, dende a Administración Pública ata o eido educativo pasando por alumnos universitarios en periodo vacacional, e vidos de diferentes zonas de Galicia, tomaron un primeiro contacto con todas as posibilidades que lles ofrece este xestor de contidos con licenza libre. Os asistentes fixeron prácticas, algúns deles nos seus propios portátiles, coa administración dun sitio web, e viron dende a xestión dos usuarios dun portal ata a adaptación do mesmo ó idioma galego.Conceptos como servidor web, base de datos, ou separación entre contido e deseño foron algúns dos temas que despertaron maior interese entre os asistentes.

Pola nosa parte, consideramos que esta primeira xornada foi un grande éxito, tanto de participación como de interese por parte dos asistentes. E agardamos continuar así na segunda xornada que se celebrará o vindeiro 8 de agosto, no mesmo lugar, o ciber da cervexería A Fundación, e co mesmo horario, de 10 a 14 horas. Na que continuaremos facendo prácticas coa administración dun portal web baixo un entorno totalmente libre, utilizando para elo o sistema operativo GNU/Linux.