Acabamos de enterarnos, vía Roberto Brenlla, dunha xuntanza que tivo lugar hoxe pola mañá, entre os representantes do CESGA, de mancomun.org, das oficinas de SwL das tres universidades galegas e de AGASOL, da cal nos gustaría destacar o compromiso de continuidade para mancomún.org.

Deixamos aquí a nota de prensa oficial

Rentalia é un portal adicado á promoción de aloxamentos para vacacións. Dispón dun catálogo con máis de 20.000 casas de vacacións, ademáis doutros destinos, como son praias, esquí, etc.

Dende fai dous anos están usando software libre na súa empresa. Tan só dispoñen dun equipo con Windows XP a efectos de probas de visibilidade da súa web no Internet Explorer.

Un dos seus responsables, Rubén Rubio, ven de publicar unha guía onde detalla o acontecido durante a migración hacia ferramentas libres.

Resulta interesante coñecer casos coma éste onde se demostra que é posible traballar nunha pequena empresa usando tan só programas con licenzas libres. Por iso animamos dende aquí a todas aquelas empresas gustosas de disfrutar da liberdade nos seus ordenadores, a que participen nas nosas actividades, ou ben nos consulten aquelas inquedanzas que teñan respecto disto.

Hoxe La Voz de Galicia faise eco do noso taller de Joomla en Melide. Descoñecendo neste momento as causas do erro en dita información, estamos á espera dunha resposta por parte da delegación de Santiago.

Dende Melisa tan só queremos aclarar a confusión:

• A Fundación Comarcal Terra de Melide non ten ningún tipo de relación na organización de dito taller. A confusión supoñemos que ven provocada porque o lugar de celebración é o ciber sito na Fundación (a cervexería).
• Melisa non tivo nada que ver na organización do tutorial que se levou a cabo no Telecentro, e onde se mostrou como buscar traballo a través da rede.

Como non todo ían ser erros, aplaudimos a divulgación dos conceptos básicos que definen ó Software Libre, así como a difusión dos horarios e datas do taller.

Actualización:

Gracias a marcus, que foi quen de atopar un novo erro:

Efectivamente as datas son o 1 e 8 de agosto, e non do 1 ó 8 de agosto.

Melisa vai a celebrar o seu primeiro taller de Joomla en Melide. Terá lugar os vindeiros 1 e 8 de agosto, en horario de 10 a 14 horas, e o lugar de celebración será o ciber da Fundación.

Todos aqueles interesados en asistir deben comunicalo previamente a través dun correo electrónico a Este enderezo de correo-e está a ser protexido de robots spamers, precisas activar o JavaScript para velo , ben poñendose en contacto con calquera dos membros da directiva, ou na propia Fundación.

O taller terá un custo de 15 euros, que serán integramente destinados á financiación da Asociación.

Algúns dos contidos a ver neste taller son os seguintes:

• Descarga e instalación nun servidor web.
• Xestión do diseño (plantillas).
• Xestión de contidos. Introdución e modificación de artigos.
• Xestión de usuarios.
• Instalación de módulos e compoñentes.

(Actualización). Os asistentes que así o desexen, poden traer o seu equipo portátil.