Está claro que no mundo do Software Libre non podemos disfrutar das boas novas durante moito tempo. Si fai uns días nos enteramos de que éramos o segundo país na implantación de Software Libre, agora o goberno español nos sorprende cunha suposta intención de dotar a ós alumnos de primaria dun mini-pc con software de Microsoft presintalado.

Estamos a falar de nada menos que 2,6 millóns de escolares, e tendo en conta un gasto de 60 euros por equipo en concepto de licenzas de Windows e Office, danos un resultado dun gasto duns 100 millóns de euros. Agora si consideramos que a opción de GNU/Linux tería un custo de cero, cero euros (si, cero patatero), non acabamos de entender cal será o criterio aplicable para tomar unha ou outra decisión.

Dende Melisa, apoiamos a actitude levada a cabo por Hispalinux, á hora de censurar dita proposta do goberno central.

Somos conscientes de que unha acción como a plantexada conleva moitos cambios nunha aula e hai moitos factores, sobre todo humáns, que hai que romper, así como educar. Preocupanos que non se fale de formar ó profesorado, ou outras accións similares que poden facilitar o éxito da implantación da tecnoloxía nas aulas, e só nos quedemos con ratios de ordenador por alumno que só sirven para facer titulares na prensa. Estamos seguros de que moitos dos equipos acabarán abandonados nun rincón da aula ó non ser capaces de sacarlles partido e ser máis un problema que unha alternativa.

Actualización:

O GLUG galego acaba de facerse eco desta nova.

As APAS da Coruña tamén se pronuncian.

Rafael Martín Espada, director xeral da "Sociedad de la Información en Extremadura", inaugurou o pasado 29 de abril o día do Software Libre.

O día do Software Libre celebrouse en Cáceres coa presencia de Rafael Martín Espada, director xeral da "Sociedad de la Información" en Extremadura, quen destacou que as fontes abertas son unha oportunidade para convertir en ventaxa competitiva a falta de posibilidades de inversión das pymes.

"El software libre te da independencia para dirigir el futuro de tu empresa", señalou Martín. A principal razón para implantar software libre é a posibilidade de dominar a tecnoloxía, e a partir de ahí innovar tanto en procedementos como na forma de xestionalos, señalou o director autonómico.

Durante a xornada inaugurouse na cidade extremeña "Movimiento Avanza", a maior exposición tecnolóxica itinerante de España, organizada polo Ministerio de Industria, Turismo y Comercio co obxectivo de difundir as oportunidades que xenera o software libre en tódolos ámbitos da sociedade.

Asemesmo, desenrolaronse numerosas ponencias e conferencias nas que se debateu sobre a conveniencia empresarial do software libre para as pequenas empresas. “Liberar un producto propio como software libre es colocar a tu empresa en un mercado global; hay que liderar un desarrollo colectivo distribuido por todo el mundo, y contar con que ese software tendrá instalaciones en lugares en los que no habría pensado jamás”, estableceu Juan Zamoro da empresa Pulso Sistemas de Gestión.

"Una de las razones para implantar software libre es la posibilidad de dominar la tecnología, y a partir de ahí, innovar tanto en procedimientos como en la forma de gestionarlos”, estableceu outro dos ponentes, Servando Saavedra de Set Informatica.

Hoxe pola mañá, asistimos á charla ofrecida polo profesor Richard Stallman na facultade de Filosofía en Santiago de Compostela. Stallman explicou cunha linguaxe amena e nun perfecto español cómo o software libre é "imprescindible" para o respeto dos dereitos dos usuarios de programas informáticos, xa que lles permite utilizar, estudiar, mellorar e compartir esas ferramentas.

Cunha duración de máis de tres horas Stallman fixo un longo repaso das actividades da Free Software Fundation e das diferenzas entre o movemento GNU e o movemento de código aberto representado por Linux.

Os vindeiros 13 e 14 de maio terá lugar no Telecentro de Arzúa un obradoiro de presentación do CMS Joomla!. Este xestor de contidos é un dos máis premiados nos últimos anos, e constitúe unha ferramenta moi potente para manter os contidos dunha páxina web de propósito xeral. Por exemplo, esta páxina web está construida con esta ferramenta.

Os interesados poden inscribirse enviando un correo á nosa Asociación (melisa.melide @ gmail.com), ou ben chamando directamente ó Telecentro de Arzúa (981 500 447), onde tomarán nota dos vosos datos para asistir ó obradoiro.

A asistencia é de balde, e terá unha duración de 3 horas, dende as cinco da tarde ata as oito. Quen queira pode traer o seu portátil e seguir o obradoiro dende o mesmo.